فکٹو ہسٹری

فیکٹو (Fecto) گروپ کی ابتداء 1952 ء سے ہوئی جب اس کے بانی جناب غلام محمد نے فیکٹو گروپ کا آغاز کیا اور خصوصی طور پر بجلی کے آلات اور تاریں بنانے والی ایک کمپنی کی داغ بیل ڈالی۔ جلد ہی یہ کمپنی بجلی کے تاروں ، کیبلز، گھریلو آلات گاڑیوں کی تجارت سمیت درآمد، برآمد میں وسیع پیمانے پر مصروفِ عمل ہوگئی۔ بعد ازاں کمپنی اپنی ایک اہم کوشش میں کامیاب ہوئی اور ایک جاپانی برانڈ کے ریڈیو کی تیاری کے لئے جاپان کی ایک کمپنی کے ساتھ مشترکہ منصوبے میں داخل ہوئی جو کہ جاپان کا پاکستان کے ساتھ اولین تکنیکی تعاون تھا۔
سال 1972 ء میں فیکٹو گروپ میں صنعتی سرگرمیوں کا بڑا تنوع رہا،حکمتِ عملی پر مبنی کامیاب منصوبہ بندی اورکمپنی کے بانی کی کاروباری بصیرت نے فیکٹو گروپ کو صنعتی شعبے کے لئے ایک انتہائی اہم گروپ بنا دیا۔ گروپ مسلسل مستحکم ہوتا رہا اور سیمنٹ پلانٹ، شوگر ملز اور ٹریکٹر پلانٹ کے ساتھ ساتھ اس نے ہارڈ بورڈ اور پیپر سیک (Papersack) کی تیاری کے یونٹ قائم کئے جس نے اسے معروف صنعتی گروپوں میں ایک امتیازی گروپ بنا دیا۔
نوّے کی دھائی کے وسط میں گروپ کی قیادت نے اس کو مزید مستحکم کرنے اور کاروباری دنیا کے پیچیدہ حقائق سے نمٹنے کے لئے ، اس کو اپنے بیٹوں کے درمیان تقسیم کردیا۔ تاکہ کارپوریٹ قانون سازی اور موروثی طریقہء کار کے مطالبات پورے کئے جاسکیں۔ فیکٹو سیمنٹ لمیٹڈ، فرنٹیئر پیپر پراڈکٹس (پرائیویٹ) لمیٹڈاور ایک تجارتی کمپنی کے انتظام کی ذمہ داری جناب محمد یاسین فیکٹو کے سپرد کی گئی، جو اپنے والد کی طرح متحرک اور پرُ جوش تھے، انہوں نے فیکٹو کے ترقی کی جانب سفر کو مزید تیز کیا ، ٹیلی مواصلات اور فیکٹو ٹیکنالوجیز کے قیام اور ان کے ترقی پسند کاروباری امورکو مختلف پلیٹ فارموں پر سراہا گیا ہے۔

آن لائن اندراجِ شکایت کے لیئے یہاں کلک کریں